karte bhi kya huzur na jab apne ghar mile
karte bhī kyā huzūr na jab apne ghar mile
dushman se ham kabhī na mile the magar mile
bulbul pe aisī barq girī āñdhiyoñ ke saath
ghar kā pata chalā na kahīñ bāl-o-par mile
un se hameñ nigāh-e-karam kī umiid kyā
āñkheñ nikāl leñ jo nazar se nazar mile
vaada ġhalat pate bhī batā.e hue ġhalat
tum apne ghar mile na raqīboñ ke ghar mile
afsos hai yahī mujhe fasl-e-bahār meñ
merā chaman ho aur mujhī ko na ghar mile
chāroñ taraf hai sham-e-mohabbat kī raushnī
parvāne DhūñD DhūñD ke laa.ī jidhar mile
karte bhi kya huzur na jab apne ghar mile
dushman se hum kabhi na mile the magar mile
bulbul pe aisi barq giri aandhiyon ke sath
ghar ka pata chala na kahin baal-o-par mile
un se hamein nigah-e-karam ki umid kya
aankhen nikal len jo nazar se nazar mile
wada ghalat pate bhi batae hue ghalat
tum apne ghar mile na raqibon ke ghar mile
afsos hai yahi mujhe fasl-e-bahaar mein
mera chaman ho aur mujhi ko na ghar mile
chaaron taraf hai sham-e-mohabbat ki raushni
parwane DhunD DhunD ke lai jidhar mile
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
