kaun kahta hai jafa karte ho tum

kaun kahtā hai jafā karte ho tum

shart-e-māshūqī vafā karte ho tum

muskurā kar moḌ lete ho bhaveñ

ḳhuub adā kā haq adā karte ho tum

ham shahīdoñ par sitam jiite raho

ḳhuub karte ho bajā karte ho tum

surma.ī āñkhoñ kuuñ kyā surme siiñ kaam

nāhaq un par tūtiyā karte ho tum

har par-e-bulbul kuuñ ai ḳhūnīñ-nigāh

ḳhūn-e-gul siiñ karbalā karte ho tum

pīste ho dil kuuñ jyuuñ barg-e-hinā

haat ḳhuuñ ālūda kyā karte ho tum

ḳhaak karte ho jalā jān-e-'sirāj'

aur kaho kyā kīmiyā karte ho tum

kaun kahta hai jafa karte ho tum

shart-e-mashuqi wafa karte ho tum

muskura kar moD lete ho bhawen

KHub ada ka haq ada karte ho tum

hum shahidon par sitam jite raho

KHub karte ho baja karte ho tum

surmai aankhon kun kya surme sin kaam

nahaq un par tutiya karte ho tum

har par-e-bulbul kun ai KHunin-nigah

KHun-e-gul sin karbala karte ho tum

piste ho dil kun jyun barg-e-hina

hat KHun aaluda kya karte ho tum

KHak karte ho jala jaan-e-'siraj'

aur kaho kya kimiya karte ho tum