KHak o KHun ki wusaton se ba-KHabar karti hui

ḳhaak o ḳhuuñ kī vus.atoñ se bā-ḳhabar kartī huī

ik nazar imkāñ-hazār-imkāñ safar kartī huī

ik ajab bechain manzar aañkh meñ Dhaltā huā

ik ḳhalish saffāk sī siine meñ ghar kartī huī

ik kitāb-e-sad-hunar tashrīh-e-zā.il kā shikār

ek mohmal baat jaadū kā asar kartī huī

jism aur ik nīm-poshīda havas-āmādgī

aañkh aur sair-e-libās-e-muḳhtasar kartī huī

tishnagī kā zahr siine ko siyah kartā huā

ik talab apne nashe ko tez-tar kartī huī

vo nigah apne liye hai sad-hisāb-e-ārzū

aur mujhe begāna-e-naf-o-zarar kartī huī

KHak o KHun ki wusaton se ba-KHabar karti hui

ek nazar imkan-hazar-imkan safar karti hui

ek ajab bechain manzar aankh mein Dhalta hua

ek KHalish saffak si sine mein ghar karti hui

ek kitab-e-sad-hunar tashrih-e-zail ka shikar

ek mohmal baat jadu ka asar karti hui

jism aur ek nim-poshida hawas-amadgi

aankh aur sair-e-libas-e-muKHtasar karti hui

tishnagi ka zahr sine ko siyah karta hua

ek talab apne nashe ko tez-tar karti hui

wo nigah apne liye hai sad-hisab-e-arzu

aur mujhe begana-e-naf-o-zarar karti hui