KHak se uThna KHak mein sona KHak ko banda bhul gaya

ḳhaak se uThnā ḳhaak meñ sonā ḳhaak ko banda bhuul gayā

duniyā ke dastūr nirāle aap se rishta bhuul gayā

jañgal jañgal jog meñ tere phirte haiñ ik rog liye

tire milan kī aas jagī hai dasht kā rasta bhuul gayā

ek mohabbat raas hai dil ko ek vafā anmol sanam

bhes faqīroñ vaalā bhar ke zaat kā sahrā bhuul gayā

ḳhvāb meñ jab se dekhā us ko chain nahīñ hai āñkhoñ meñ

saarī raat musalsal kaaTī ḳhvāb kā rasta bhuul gayā

shaam Dhale ik pahlā taarā ham se milne aayā thā

duur bides meñ rahne vaalā apnā parāyā bhuul gayā

har dhaḌkan se pyaar kā amrit har ik lafz meñ utrā thā

saarī umr jo likkhā dil ne vahī vazīfa bhuul gayā

maalā japte japte guzrī umr kisī sanyāsī kī

manzil paas jo aa pahuñchī to ishq sahīfa bhuul gayā

KHak se uThna KHak mein sona KHak ko banda bhul gaya

duniya ke dastur nirale aap se rishta bhul gaya

jangal jangal jog mein tere phirte hain ek rog liye

tere milan ki aas jagi hai dasht ka rasta bhul gaya

ek mohabbat ras hai dil ko ek wafa anmol sanam

bhes faqiron wala bhar ke zat ka sahra bhul gaya

KHwab mein jab se dekha us ko chain nahin hai aankhon mein

sari raat musalsal kaTi KHwab ka rasta bhul gaya

sham Dhale ek pahla tara hum se milne aaya tha

dur bides mein rahne wala apna paraya bhul gaya

har dhaDkan se pyar ka amrit har ek lafz mein utra tha

sari umr jo likkha dil ne wahi wazifa bhul gaya

mala japte japte guzri umr kisi sanyasi ki

manzil pas jo aa pahunchi to ishq sahifa bhul gaya