KHamosh honTon se sare kalam karne lage

Taseer Jafry

KHamosh honTon se sare kalam karne lage

Taseer Jafry

MORE BYTaseer Jafry

    ḳhamosh hoñToñ se saare kalām karne lage

    vo sab ke sab tire baare kalām karne lage

    Dhalī jo shaam to ashkoñ se guftugū thī mirī

    phir is ke baad sitāre kalām karne lage

    tumhārā zikr chhiḌā jab to mo.ajiza ye huā

    ki jitne gūñge the saare kalām karne lage

    tirī udāsiyoñ bechainiyoñ se zāhir hai

    ki ab ye zaḳhm hamāre kalām karne lage

    kisī ke sāmne gulzār aag hone lagī

    kisī ke jism se aare kalām karne lage

    hamārī ġhazloñ 'tāsīr' aasrā le kar

    tumhāre hijr ke maare kalām karne lage

    KHamosh honTon se sare kalam karne lage

    wo sab ke sab tere bare kalam karne lage

    Dhali jo sham to ashkon se guftugu thi meri

    phir is ke baad sitare kalam karne lage

    tumhaara zikr chhiDa jab to moajiza ye hua

    ki jitne gunge the sare kalam karne lage

    teri udasiyon bechainiyon se zahir hai

    ki ab ye zaKHm hamare kalam karne lage

    kisi ke samne gulzar aag hone lagi

    kisi ke jism se aare kalam karne lage

    hamari ghazlon ka 'tasir' aasra le kar

    tumhaare hijr ke mare kalam karne lage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY