khanDar ye phir basane ka irada hi nahin tha

khañDar ye phir basāne kā irāda hī nahīñ thā

badan meñ lauT aane kā irāda hī nahīñ thā

shikam kī aag ne bailoñ ko hāñknā sikhāyā

vagarna hal chalāne kā irāda hī nahīñ thā

vo apne bheḌiyoñ ko sair par laayā thā ban meñ

ġhazāloñ ko Darāne kā irāda hī nahīñ thā

kahā thā tā.eroñ se peḌ ko dīmak lagī hai

kisī ko āzmāne kā irāda hī nahīñ thā

ḳhabar kab thī ki āñkheñ os barsāne lageñgī

tujhe varna jagāne kā irāda hī nahīñ thā

maiñ tere saath uḌtā phir rahā thā āsmāñ meñ

ḳhudā ko bhuul jaane kā irāda hī nahīñ thā

sadī maiñ ne tamannāoñ ko bāl-o-par diye the

magar un ko uḌāne kā irāda hī nahīñ thā

khanDar ye phir basane ka irada hi nahin tha

badan mein lauT aane ka irada hi nahin tha

shikam ki aag ne bailon ko hankna sikhaya

wagarna hal chalane ka irada hi nahin tha

wo apne bheDiyon ko sair par laya tha ban mein

ghazalon ko Darane ka irada hi nahin tha

kaha tha taeron se peD ko dimak lagi hai

kisi ko aazmane ka irada hi nahin tha

KHabar kab thi ki aankhen os barsane lagengi

tujhe warna jagane ka irada hi nahin tha

main tere sath uDta phir raha tha aasman mein

KHuda ko bhul jaane ka irada hi nahin tha

sadi main ne tamannaon ko baal-o-par diye the

magar un ko uDane ka irada hi nahin tha