KHat ne aa kar ki hai shayad rahm farmane ki arz

ḳhat ne aa kar kī hai shāyad rahm farmāne kī arz

tab tū ab suntā hai hañs kar mujh se dīvāne kī arz

shām-e-ġhurbat ham se majrūhoñ kī hai fariyād-ras

zulf kī chhātī phaTī hai sunte hī shāne kī arz

bosa-e-lāl-e-butāñ jo le so ho be-ābrū

itnī hī ḳhidmat meñ mastoñ kī hai paimāne kī arz

gosh-e-gul meñ sab phaphūle paḌ ga.e shabnam ke haath

aag thī bulbul kī fariyādoñ ke afsāne kī arz

fasl-e-gul aate hī 'uzlat' dil zabān-e-āh se

merī ḳhidmat meñ kare hai dasht meñ jaane kī arz

KHat ne aa kar ki hai shayad rahm farmane ki arz

tab tu ab sunta hai hans kar mujh se diwane ki arz

sham-e-ghurbat hum se majruhon ki hai fariyaad-ras

zulf ki chhati phaTi hai sunte hi shane ki arz

bosa-e-lal-e-butan jo le so ho be-abru

itni hi KHidmat mein maston ki hai paimane ki arz

gosh-e-gul mein sab phaphule paD gae shabnam ke hath

aag thi bulbul ki fariyaadon ke afsane ki arz

fasl-e-gul aate hi 'uzlat' dil zaban-e-ah se

meri KHidmat mein kare hai dasht mein jaane ki arz