KHatm shab qissa-e-muKHtasar na hui
ḳhatm shab qissa-e-muḳhtasar na huī
sham.a gul ho ga.ī sahar na huī
rū-e-shabnam jalā jo ghar merā
phuul kī kam hañsī magar na huī
hashr meñ bhī vo kyā mileñge hameñ
jab mulāqāt umr-bhar na huī
ā.īna dekh kar ye kījiye shukr
aap ko aap kī nazar na huī
sab the mahfil meñ un kī mahv-e-jamāl
ek ko ek kī ḳhabar na huī
saiñkaḌoñ raat ke kiye va.ade
un kī raat aaj tak 'qamar' na huī
KHatm shab qissa-e-muKHtasar na hui
shama gul ho gai sahar na hui
ru-e-shabnam jala jo ghar mera
phul ki kam hansi magar na hui
hashr mein bhi wo kya milenge hamein
jab mulaqat umr-bhar na hui
aaina dekh kar ye kijiye shukr
aap ko aap ki nazar na hui
sab the mahfil mein un ki mahw-e-jamal
ek ko ek ki KHabar na hui
sainkaDon raat ke kiye wade
un ki raat aaj tak 'qamar' na hui
Source:
Rashq-e-Qamar (Pg. 27)
- Author: Qamar Jalalvi
-
- Publisher: Navrang Kitab Ghar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
