KHauf-zada logon se rasm-o-rah baDhate phirte hain

ḳhauf-zada logoñ se rasm-o-rāh baḌhāte phirte haiñ

ham be-ḳhvābī ke mausam meñ ḳhvāb dikhāte phirte haiñ

ban-Than kar chalte haiñ ghar se aur us kūcha meñ nahīñ jaate

rasta rasta rahgīroñ se haath milāte phirte haiñ

ham dīvāne ham ko yaarā kab hai shor machāne kā

ham to apne andar kī āvāz chhupāte phirte haiñ

logo man kā bhed na kholo lekin kuchh muñh se bolo

ye sannāTe pas-e-manzar meñ shor machāte phirte haiñ

ham ne tere hijr ko āḳhir kār-e-jahāñ taslīm kiyā

duniyā-dārī karte haiñ aur dhyān baTāte phirte haiñ

bastī meñ kyā chiiz nahīñ jo vīrāne meñ hotī hai

log purāne ġhāroñ meñ kyuuñ diip jalāte phirte haiñ

jab bhī terī yaad aatī hai dil bahlānā paḌtā hai

pahroñ tanhā saḌkoñ par ham gaane gaate phirte haiñ

ye āvāra log nahīñ haiñ DhūñD rahe haiñ bastī ko

ham bhī tere shahr kī galiyoñ meñ chakrāte phirte haiñ

bin bartī har chiiz meñ 'mohsin' ik din ghun lag jaatā hai

us Dar se ham apne badan ko dhuup lagāte phirte haiñ

KHauf-zada logon se rasm-o-rah baDhate phirte hain

hum be-KHwabi ke mausam mein KHwab dikhate phirte hain

ban-Than kar chalte hain ghar se aur us kucha mein nahin jate

rasta rasta rahgiron se hath milate phirte hain

hum diwane hum ko yara kab hai shor machane ka

hum to apne andar ki aawaz chhupate phirte hain

logo man ka bhed na kholo lekin kuchh munh se bolo

ye sannaTe pas-e-manzar mein shor machate phirte hain

hum ne tere hijr ko aaKHir kar-e-jahan taslim kiya

duniya-dari karte hain aur dhyan baTate phirte hain

basti mein kya chiz nahin jo virane mein hoti hai

log purane ghaaron mein kyun dip jalate phirte hain

jab bhi teri yaad aati hai dil bahlana paDta hai

pahron tanha saDkon par hum gane gate phirte hain

ye aawara log nahin hain DhunD rahe hain basti ko

hum bhi tere shahr ki galiyon mein chakraate phirte hain

bin barti har chiz mein 'mohsin' ek din ghun lag jata hai

us Dar se hum apne badan ko dhup lagate phirte hain