KHayal-e-tark-e-ta’alluq ki na-rasai hai

ḳhayāl-e-tark-e-ta’alluq kī nā-rasā.ī hai

hamāre jī meñ abhī zor-āzmā.ī hai

ham ittifāq bas ek-ādh ġham se rakhte haiñ

agarche apnī har ik dukh se āshnā.ī hai

'ajīb qism kā hai merā kārobār-e-suḳhan

ki sar-phirī sī ye duniyā mirī kamā.ī hai

kisī bhī naam ko dobāra likh nahīñ saktā

mirī davāt meñ itnī hī raushnā.ī hai

ham apnī baat banā hī nahīñ rahe 'tarkash'

vagarna baat hamārī banī-banā.ī hai

KHayal-e-tark-e-ta’alluq ki na-rasai hai

hamare ji mein abhi zor-azmai hai

hum ittifaq bas ek-adh gham se rakhte hain

agarche apni har ek dukh se aashnai hai

'ajib qism ka hai mera karobar-e-suKHan

ki sar-phiri si ye duniya meri kamai hai

kisi bhi nam ko dobara likh nahin sakta

meri dawat mein itni hi raushnai hai

hum apni baat bana hi nahin rahe 'tarkash'

wagarna baat hamari bani-banai hai