KHayal-o-KHwab bhi wo hirz-e-raegan bhi wo

ḳhayāl-o-ḳhvāb bhī vo hirz-e-rā.egāñ bhī vo

sarīr-e-ḳhāma-e-añgusht-e-ḳhūñ-chakāñ bhī vo

jo kuchh kahūñ to sarishk-e-sar-e-mizhah bhī vahī

maiñ chup rahūñ to mire dard kī zabāñ bhī vo

na rāste haiñ na manzil hai aur na zād-e-safar

hai sang-e-mīl bhī vo gard-e-kārvāñ bhī vo

mirā qiyām mujhe zindagī se kaaT na le

ki ab yaqīn bhī merā vahī gumāñ bhī vo

vahī hai tīrgī-e-dasht-e-dil ba-jāñ lekin

sitāra-e-shab-e-hijrāñ kī kahkashāñ bhī vo

'matīn' us ke liye dām-e-āgahī na bichhā

vo terī jaan bhī hai jaan kā ziyāñ bhī vo

KHayal-o-KHwab bhi wo hirz-e-raegan bhi wo

sarir-e-KHama-e-angusht-e-KHun-chakan bhi wo

jo kuchh kahun to sarishk-e-sar-e-mizhah bhi wahi

main chup rahun to mere dard ki zaban bhi wo

na raste hain na manzil hai aur na zad-e-safar

hai sang-e-mil bhi wo gard-e-karwan bhi wo

mera qiyam mujhe zindagi se kaT na le

ki ab yaqin bhi mera wahi guman bhi wo

wahi hai tirgi-e-dasht-e-dil ba-jaan lekin

sitara-e-shab-e-hijran ki kahkashan bhi wo

'matin' us ke liye dam-e-agahi na bichha

wo teri jaan bhi hai jaan ka ziyan bhi wo