KHayal usi ki taraf bar bar jata hai
ḳhayāl usī kī taraf baar baar jaatā hai
mire safar kī thakan kaun utaar jaatā hai
ye us kā apnā tarīqa hai daan karne kā
vo jis se shart lagātā hai haar jaatā hai
ye khel merī samajh meñ kabhī nahīñ aayā
maiñ jiit jaatā huuñ baazī vo maar jaatā hai
maiñ apnī niiñd davāoñ se qarz letā huuñ
ye qarz ḳhvāb meñ koī utaar jaatā hai
nasha bhī hotā hai halkā sā zahr meñ shāmil
vo jab bhī miltā hai ik Dañk maar jaatā hai
maiñ sab ke vāste kartā huuñ kuchh na kuchh 'nazmī'
jahāñ jahāñ bhī mirā iḳhtiyār jaatā hai
KHayal usi ki taraf bar bar jata hai
mere safar ki thakan kaun utar jata hai
ye us ka apna tariqa hai dan karne ka
wo jis se shart lagata hai haar jata hai
ye khel meri samajh mein kabhi nahin aaya
main jit jata hun bazi wo mar jata hai
main apni nind dawaon se qarz leta hun
ye qarz KHwab mein koi utar jata hai
nasha bhi hota hai halka sa zahr mein shamil
wo jab bhi milta hai ek Dank mar jata hai
main sab ke waste karta hun kuchh na kuchh 'nazmi'
jahan jahan bhi mera iKHtiyar jata hai
Source:
Rooh-e-Ghazal,Pachas Sala Intekhab (Pg. 336)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
