khel rachaya usne sara warna phir kyun hota main
khel rachāyā us ne saarā varna phir kyuuñ hotā maiñ
us ne hī ye bhiiḌ lagā.ī banā huuñ sirf tamāshā maiñ
us ne apne dam ko phūñkā aur mujhe bedār kiyā
maiñ paanī thā maiñ zarra thā lambī niiñd se jaagā maiñ
us ne pahle ruup diyā phir rañg diyā phir izn diyā
bahr o bar meñ barg o samar meñ na.e safar par niklā meñ
ā.īñe kī ḳhvāhish kar ke ḳhud ko bhī āzār diye
dekh liyā ab ā.īñe meñ kab huuñ tere jaisā maiñ
qatl-o-ġhārat ke hañgāme shor-sharāba to hogā
mujh ko yahāñ par bhejne vaale vahāñ na rahtā achchhā maiñ
khel rachaya us ne sara warna phir kyun hota main
us ne hi ye bhiD lagai bana hun sirf tamasha main
us ne apne dam ko phunka aur mujhe bedar kiya
main pani tha main zarra tha lambi nind se jaga main
us ne pahle rup diya phir rang diya phir izn diya
bahr o bar mein barg o samar mein nae safar par nikla mein
aaine ki KHwahish kar ke KHud ko bhi aazar diye
dekh liya ab aaine mein kab hun tere jaisa main
qatl-o-ghaarat ke hangame shor-sharaba to hoga
mujh ko yahan par bhejne wale wahan na rahta achchha main
Source:
Asaleeb (Pg. 601)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
