KHilaf-e-hangama-e-tashaddud qadam jo humne baDha diye hain

ḳhilāf-e-hañgāma-e-tashaddud qadam jo ham ne baḌhā diye haiñ

baḌe baḌe bāniyān-e-jaur-o-sitam ke badhiye biThā diye haiñ

ḳhayālī ġhunche khilā diye haiñ ḳhayālī gulshan sajā diye haiñ

na.e madārī ne do hī din meñ tamāshe kyā kyā dikhā diye haiñ

koī to hai be-ḳhud-e-ta.ayyush koī hai mahv-e-husūl-e-sarvat

khilaune hāthoñ meñ rahbaroñ ke ye kis ne lā kar thamā diye haiñ

vatan meñ shām-o-sahar jo hotī hai parvarish shaiḳh o barhaman kī

yatīm-ḳhāna meñ in yatīmoñ ke naam kis ne likhā diye haiñ

ye shaiḳh haiñ aur ye barhaman haiñ ye vaa.iz o sadr-e-anjuman haiñ

zamāna pahchāntā hai sab ko har ik pe lebal lagā diye haiñ

jafā-shi.āroñ meñ shāyad aa jaa.e is tarah kuchh asar vafā kā

mañgā ke murġhiyoñ ke anDe batoñ ke nīche biThā diye haiñ

KHilaf-e-hangama-e-tashaddud qadam jo hum ne baDha diye hain

baDe baDe baniyan-e-jaur-o-sitam ke badhiye biTha diye hain

KHayali ghunche khila diye hain KHayali gulshan saja diye hain

nae madari ne do hi din mein tamashe kya kya dikha diye hain

koi to hai be-KHud-e-tayyush koi hai mahw-e-husul-e-sarwat

khilaune hathon mein rahbaron ke ye kis ne la kar thama diye hain

watan mein sham-o-sahar jo hoti hai parwarish shaiKH o barhaman ki

yatim-KHana mein in yatimon ke nam kis ne likha diye hain

ye shaiKH hain aur ye barhaman hain ye waiz o sadr-e-anjuman hain

zamana pahchanta hai sab ko har ek pe lebal laga diye hain

jafa-shiaron mein shayad aa jae is tarah kuchh asar wafa ka

manga ke murghiyon ke anDe baton ke niche biTha diye hain