KHud meri aankhon se ojhal meri hasti ho gai

Muzaffar Warsi

KHud meri aankhon se ojhal meri hasti ho gai

Muzaffar Warsi

MORE BYMuzaffar Warsi

    ḳhud mirī āñkhoñ se ojhal merī hastī ho ga.ī

    ā.īna to saaf hai tasvīr dhundlī ho ga.ī

    saañs letā huuñ to chubhtī haiñ badan meñ haDDiyāñ

    ruuh bhī shāyad mirī ab mujh se bāġhī ho ga.ī

    faash kar diiñ maiñ ne ḳhud andar be-tartībiyāñ

    zindagī ārā.ishoñ meñ aur nañgī ho ga.ī

    pyaar kartī haiñ mire rastoñ se kyā kyā bandisheñ

    toḌ zanjīr to dīvār ūñchī ho ga.ī

    merī jānib aa.e pas-manzar se patthar be-shumār

    rañg-e-duniyā dekh kar bīnā.ī zaḳhmī ho ga.ī

    paḌ gayā parda samā.at par tirī āvāz

    ek aahaT kitne hañgāmoñ pe haavī ho ga.ī

    kar gayā hai mubtalā-e-karb aur ik sāneha

    aur kuchh din zinda rahne talāfī ho ga.ī

    ḳhvāhishoñ aag bhī bhaḌkā.egī ab kyā mujhe

    raakh bhī merī 'muzaffar' ab to ThanDī ho ga.ī

    KHud meri aankhon se ojhal meri hasti ho gai

    aaina to saf hai taswir dhundli ho gai

    sans leta hun to chubhti hain badan mein haDDiyan

    ruh bhi shayad meri ab mujh se baghi ho gai

    fash kar din main ne KHud andar ki be-tartibiyan

    zindagi aaraishon mein aur nangi ho gai

    pyar karti hain mere raston se kya kya bandishen

    toD di zanjir to diwar unchi ho gai

    meri jaanib aae pas-manzar se patthar be-shumar

    rang-e-duniya dekh kar binai zaKHmi ho gai

    paD gaya parda samaat par teri aawaz ka

    ek aahaT kitne hangamon pe hawi ho gai

    kar gaya hai mubtala-e-karb aur ek saneha

    aur kuchh din zinda rahne ki talafi ho gai

    KHwahishon ki aag bhi bhaDkaegi ab kya mujhe

    rakh bhi meri 'muzaffar' ab to ThanDi ho gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY