aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHuda malum kaisa sehr tha is but ki chitwan mein

Yagana Changezi

KHuda malum kaisa sehr tha is but ki chitwan mein

Yagana Changezi

MORE BYYagana Changezi

    Interesting Fact

    1912

    ḳhudā ma.alūm kaisā sehr thā is but chitvan meñ

    chale jaatī haiñ ab tak chashmakeñ shaiḳh-o-barahman meñ

    chhupeñge kyā asīrān-e-balā sahrā ke dāman meñ

    mohabbat daam phir khīñch kar lā.egī gulshan meñ

    hijāb uTThā zamīñ se āsmāñ tak chāñdnī chhiTkī

    gahan meñ chāñd thā jab tak chhupe baiThe the chilman meñ

    kanakhiyoñ se jo ham ko bazm meñ tum dekh lete ho

    khaTak jaate haiñ kāñTe tarah ham-chashm-e-dushman meñ

    kanār-e-ābjū baiThe haiñ mast-e-nik.hat-e-sāġhar

    nazar sū-e-falak aur haath hai miinā gardan meñ

    galā ghuTne lagā ab tañg aayā huuñ garebāñ se

    junūñ ne vaah kyā phāñsī lagā.ī merī gardan meñ

    bahut dast-e-junūñ ne gudgudāyā jab to kyā karte

    utārīñ beḌiyāñ aur pahne duhre tauq gardan meñ

    batāo sair-e-sahrā koī tadbīr vahshī ko

    garebāñ meñ to haath uljhā phañsā hai paañv dāman meñ

    milā de ḳhaak meñ ai charḳh is ujḌe hue ghar ko

    ki apnī ruuh tak bechain hai ab ḳhāna-e-tan meñ

    thake-māñde safar ke so rahe haiñ paañv phailā.e

    ye sab mar mar ke pahuñche haiñ baḌī mushkil se madfan meñ

    jo har-dam jhāñkte the rauzan-e-dīvār-e-zindāñ se

    unheñ phir chain aayā kis tarah tārīk madfan meñ

    kise ma.alūm dāġh-e-ātishīñ se dil pe kyā guzrī

    sidhāre ThanDe ThanDe sauñp kar sab ham ko madfan meñ

    kujā muusā kujā maqsūd sub.hānallazī-asrā

    ragaḌ kar eḌiyāñ bas rah ga.e vādī-e-aiman meñ

    hijāb-e-nāz be-jā 'yās' jis din beach meñ aayā

    usī din se laḌā.ī Than ga.ī shaiḳh-o-barahman meñ

    KHuda malum kaisa sehr tha is but ki chitwan mein

    chale jati hain ab tak chashmaken shaiKH-o-barahman mein

    chhupenge kya asiran-e-bala sahra ke daman mein

    mohabbat dam ki phir khinch kar laegi gulshan mein

    hijab uTTha zamin se aasman tak chandni chhiTki

    gahan mein chand tha jab tak chhupe baiThe the chilman mein

    kanakhiyon se jo hum ko bazm mein tum dekh lete ho

    khaTak jate hain kanTe ki tarah ham-chashm-e-dushman mein

    kanar-e-abju baiThe hain mast-e-nikhat-e-saghar

    nazar su-e-falak aur hath hai mina ki gardan mein

    gala ghuTne laga ab tang aaya hun gareban se

    junun ne wah kya phansi lagai meri gardan mein

    bahut dast-e-junun ne gudgudaya jab to kya karte

    utarin beDiyan aur pahne duhre tauq gardan mein

    batao sair-e-sahra ki koi tadbir wahshi ko

    gareban mein to hath uljha phansa hai panw daman mein

    mila de KHak mein ai charKH is ujDe hue ghar ko

    ki apni ruh tak bechain hai ab KHana-e-tan mein

    thake-mande safar ke so rahe hain panw phailae

    ye sab mar mar ke pahunche hain baDi mushkil se madfan mein

    jo har-dam jhankte the rauzan-e-diwar-e-zindan se

    unhen phir chain aaya kis tarah tarik madfan mein

    kise malum dagh-e-atishin se dil pe kya guzri

    sidhaare ThanDe ThanDe saunp kar sab hum ko madfan mein

    kuja musa kuja maqsud subhanallazi-asra

    ragaD kar eDiyan bas rah gae wadi-e-aiman mein

    hijab-e-naz be-ja 'yas' jis din beach mein aaya

    usi din se laDai Than gai shaiKH-o-barahman mein

    Source:

    Kulliyat-e-Yagana (Pg. 144)

    • Author: Meerza Yagana Changezi Lukhnawi
      • Edition: 2005
      • Publisher: Farib Book Depot (P) Ltd.
      • Year of Publication: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now