کھلی آنکھوں سے سپنا دیکھنے میں
کھلی آنکھوں سے سپنا دیکھنے میں
گنوا دی عمر رستہ دیکھنے میں
بہا کر لے گئی اک موج دریا
بہت تھے محو دریا دیکھنے میں
ہوا کوچہ بہ کوچہ رو رہی ہے
سجا ہے قریہ قریہ دیکھنے میں
جو برتیں تو کھلیں سب بھید اس کے
حسیں لگتی ہے دنیا دیکھنے میں
دریچوں سے یہ دل آویز منظر
برے لگتے ہیں تنہا دیکھنے میں
نکل آتا ہے کڑوا ذائقے میں
جو پھل ہوتا ہے میٹھا دیکھنے میں
حقیقت میں وہ ایسا تو نہیں ہے
نظر آتا ہے جیسا دیکھنے میں
عذاب گمرہی میں مبتلا ہیں
بھٹک جاتے ہیں رستہ دیکھنے میں
قضا اکثر نمازیں ہو گئی ہیں
نشان سمت قبلہ دیکھنے میں
ہم احرام ہوس پہنے ہوئے ہیں
لبادہ ہے یہ اجلا دیکھنے میں
وہیں اکثر شناور ڈوبتے ہیں
جو ہیں پایاب دریا دیکھنے میں
یہی ہے لغزش بینائی محسنؔ
کہ ہو مشغول دنیا دیکھنے میں
مأخذ:
Sukhan sukhan mehtaab (Pg. 95)
- مصنف: Mohsin Ehsaan
-
- اشاعت: 2005
- ناشر: Aziz ahmed Khan
- سن اشاعت: 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
