KHush hain bahut mizaj-e-zamana badal ke hum

Mahshar Inayati

KHush hain bahut mizaj-e-zamana badal ke hum

Mahshar Inayati

MORE BY Mahshar Inayati

    ḳhush haiñ bahut mizāj-e-zamānā badal ke ham

    lekin ye sher kis ko sunā.eñ ġhazal ke ham

    ai maslahat chaleñ bhī kahāñ tak sambhal ke ham

    andāz kah rahe haiñ ki insāñ haiñ kal ke ham

    shāyad urūs-e-zīst ghūñghaT ulaT gayā

    ab DhūñDne lage haiñ sahāre ajal ke ham

    badleñ zarā nigāh ke andāz aap bhī

    uTThe haiñ kuchh usuul vafā ke badal ke ham

    jaise thakā thakā koī gum-karda kārvāñ

    uThte haiñ baiTh jaate haiñ kuchh duur chal ke ham

    hañsnā to darkinār hai ro bhī nahīñ sake

    'mahshar' chale haiñ kis galī se nikal ke ham

    KHush hain bahut mizaj-e-zamana badal ke hum

    lekin ye sher kis ko sunaen ghazal ke hum

    ai maslahat chalen bhi kahan tak sambhal ke hum

    andaz kah rahe hain ki insan hain kal ke hum

    shayad urus-e-zist ka ghunghaT ulaT gaya

    ab DhunDne lage hain sahaare ajal ke hum

    badlen zara nigah ke andaz aap bhi

    uTThe hain kuchh usul wafa ke badal ke hum

    jaise thaka thaka koi gum-karda karwan

    uThte hain baiTh jate hain kuchh dur chal ke hum

    hansna to darkinar hai ro bhi nahin sake

    'mahshar' chale hain kis ki gali se nikal ke hum

    RECITATIONS

    Fasih Akmal

    Fasih Akmal

    Fasih Akmal

    KHush hain bahut mizaj-e-zamana badal ke hum Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY