KHub tamasha hum ko banaya aap tamasha aap hue

ḳhuub tamāshā ham ko banāyā aap tamāshā aap hue

ham ko rusvā karne nikle kaise rusvā aap hue

tohmat-e-ka.aba aap ne lī badnām-e-kalīsā aap hue

tuur pe bijlī qasr meñ shīrīñ najd meñ laila aap hue

ma.anī-o-sūrat vahdat-o-kasrat zarra-o-sahrā aap hue

aap to kuchh hote hī nahīñ the kahiye kyā kyā aap hue

ham pe sharī.at ham pe tarīqat ham pe hudūd-e-fikr-o-nazar

aap chale to gulshan gulshan sahrā sahrā aap hue

sho'le se hī raakh huī thī sho'le se phir raakh jalī

ḳhirman muusā kaun banā jab barq-e-tajallī aap hue

aap ne chhup chhup kar is dil meñ apnī ik tasvīr gaḌhī

puuj ke us ko ham hue kāfir kufr kā fatvā aap hue

roz-e-azal se aap kī merī kaisī rasm-o-rāh nibhī

avval avval ham hue shaidā āḳhir shaidā aap hue

KHub tamasha hum ko banaya aap tamasha aap hue

hum ko ruswa karne nikle kaise ruswa aap hue

tohmat-e-kaba aap ne li badnam-e-kalisa aap hue

tur pe bijli qasr mein shirin najd mein laila aap hue

mani-o-surat wahdat-o-kasrat zarra-o-sahra aap hue

aap to kuchh hote hi nahin the kahiye kya kya aap hue

hum pe shariat hum pe tariqat hum pe hudud-e-fikr-o-nazar

aap chale to gulshan gulshan sahra sahra aap hue

sho'le se hi rakh hui thi sho'le se phir rakh jali

KHirman musa kaun bana jab barq-e-tajalli aap hue

aap ne chhup chhup kar is dil mein apni ek taswir gaDhi

puj ke us ko hum hue kafir kufr ka fatwa aap hue

roz-e-azal se aap ki meri kaisi rasm-o-rah nibhi

awwal awwal hum hue shaida aaKHir shaida aap hue