KHubiyon ko masKH kar ke aib jaisa kar diya

ḳhūbiyoñ ko masḳh kar ke aib jaisā kar diyā

ham ne yuuñ aiboñ kī ābādī ko duunā kar diyā

tai to ye thā har badī kī intihā tak jā.eñge

be-ḳhayālī meñ ye kaisā kaam achchhā kar diyā

mujh se kal mahfil meñ us ne muskurā kar baat kī

vo mirā ho hī nahīñ saktā ye pakkā kar diyā

chilchilātī-dhūp thī lekin thā saaya ham-qadam

sā.ebāñ kī chhāñv ne mujh ko akelā kar diyā

maiñ bhī ab kuchh kuchh samajhne lag gayā huuñ ai tabīb

dard ne siine meñ uTh kar kyā ishāra kar diyā

KHubiyon ko masKH kar ke aib jaisa kar diya

hum ne yun aibon ki aabaadi ko duna kar diya

tai to ye tha har badi ki intiha tak jaenge

be-KHayali mein ye kaisa kaam achchha kar diya

mujh se kal mahfil mein us ne muskura kar baat ki

wo mera ho hi nahin sakta ye pakka kar diya

chilchilati-dhup thi lekin tha saya ham-qadam

saeban ki chhanw ne mujh ko akela kar diya

main bhi ab kuchh kuchh samajhne lag gaya hun ai tabib

dard ne sine mein uTh kar kya ishaara kar diya