KHwab aankhon ko hamari jo dikhae aaina

ḳhvāb āñkhoñ ko hamārī jo dikhā.e aa.ina

ḳhuun ke aañsū vahī ham ko rulā.e aa.ina

aadmī kī fitrateñ jaise samajhtā ho sabhī

aadmī ke saath aise muskurā.e aa.ina

bāñTanā to chāhtā hai dukh buzurgoñ ke magar

jhurriyoñ ko kis tarah un kī chhupā.e aa.ina

aa.ine ke sāmne se koī to haTtā nahīñ

aur kisī ko ḳhvāb tak ye Darā.e aa.ina

ġham nahīñ be-shak bikhar jaa.e kisī din TuuT kar

jhuuT ke aage na sar hargiz jhukā.e aa.ina

bol kar sach kaun kitne din salāmat rah sakā

Dar ke saa.e meñ hayāt apnī bitā.e aa.ina

vaqt chehre par jab us ke likh gayā nākāmiyāñ

kaise vo dīvār par 'kalkal' sajā.e aa.ina

KHwab aankhon ko hamari jo dikhae aaina

KHun ke aansu wahi hum ko rulae aaina

aadmi ki fitraten jaise samajhta ho sabhi

aadmi ke sath aise muskurae aaina

banTana to chahta hai dukh buzurgon ke magar

jhurriyon ko kis tarah un ki chhupae aaina

aaine ke samne se koi to haTta nahin

aur kisi ko KHwab tak ye Darae aaina

gham nahin be-shak bikhar jae kisi din TuT kar

jhuT ke aage na sar hargiz jhukae aaina

bol kar sach kaun kitne din salamat rah saka

Dar ke sae mein hayat apni bitae aaina

waqt chehre par jab us ke likh gaya nakaamiyan

kaise wo diwar par 'kalkal' sajae aaina