KHwab aankhon se zaban se har kahani le gaya
ḳhvāb āñkhoñ se zabāñ se har kahānī le gayā
muḳhtasar ye hai vo merī zindagānī le gayā
phuul se mausam kī barsāteñ havāoñ kī mahak
ab ke mausam kī vo sab shāmeñ suhānī le gayā
de gayā mujh ko sarāboñ kā sukūt-e-mustaqil
mere ashkoñ se vo dariyā kī ravānī le gayā
ḳhaak ab uḌne lagī maidān sahrā ho ga.e
ret kā tūfān dariyāoñ se paanī le gayā
kaun pahchānegā 'zarrīñ' mujh ko itnī bhiiḌ meñ
mere chehre se vo apnī har nishānī le gayā
KHwab aankhon se zaban se har kahani le gaya
muKHtasar ye hai wo meri zindagani le gaya
phul se mausam ki barsaten hawaon ki mahak
ab ke mausam ki wo sab shamen suhani le gaya
de gaya mujh ko sarabon ka sukut-e-mustaqil
mere ashkon se wo dariya ki rawani le gaya
KHak ab uDne lagi maidan sahra ho gae
ret ka tufan dariyaon se pani le gaya
kaun pahchanega 'zarrin' mujh ko itni bhiD mein
mere chehre se wo apni har nishani le gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
