KHwab ki tabir ka qissa nirala ban gaya

ḳhvāb kī ta.abīr kā qissa nirālā ban gayā

ḳhud-farebī zindagī kā ab salīqa ban gayā

daf.atan ik muskurāhaT tere lab pe aa.ī hai

chāhatoñ kā merī ab ye ik Thikāna ban gayā

chhū ga.ī naġhmoñ ko terī ye mohabbat haule se

dekh andāz-e-bayāñ ye shā.irāna ban gayā

bādaloñ sā aks terā dil pe Thahrā der tak

bhiig kar yādoñ kī bārish meñ sharāra ban gayā

jaam armānoñ ke chhalke āñkhoñ ke paimāne se

bahte ashkoñ se mirā gahrā ye naata ban gayā

qaid hai biite vo lamhe yādoñ ke andāz meñ

roz un se tazkira ġham kā sahārā ban gayā

KHwab ki tabir ka qissa nirala ban gaya

KHud-farebi zindagi ka ab saliqa ban gaya

dafatan ek muskurahaT tere lab pe aai hai

chahaton ka meri ab ye ek Thikana ban gaya

chhu gai naghmon ko teri ye mohabbat haule se

dekh andaz-e-bayan ye shairana ban gaya

baadalon sa aks tera dil pe Thahra der tak

bhig kar yaadon ki barish mein sharara ban gaya

jam armanon ke chhalke aankhon ke paimane se

bahte ashkon se mera gahra ye nata ban gaya

qaid hai bite wo lamhe yaadon ke andaz mein

roz un se tazkira gham ka sahaara ban gaya