KHwabida hain is lams mein imkan kuchh aise

ḳhvābīda haiñ is lams meñ imkān kuchh aise

maiñ harf-e-digar huuñ mujhe pahchān kuchh aise

is baar sabhī chup haiñ mujhe rokne vaale

maiñ sab ko kiye jaatā huuñ hairān kuchh aise

ye jaise mire rang-e-ravāñ kī nigarāñ hai

har aan mirā dhuup meñ hai dhyān kuchh aise

maiñ jaise koī ḳhāk-ba-sar ḳhvāb-e-safar huuñ

raste meñ paḌā hai mirā sāmān kuchh aise

ham fard-e-junūñ khol ke mushkil meñ na paḌ jaa.eñ

is fard meñ kar rakkhī hai mīzān kuchh aise

ā.īnoñ ke is karb meñ ham apnī kaheñ kyā

ā.īna hai ā.īne pe hairān kuchh aise

KHwabida hain is lams mein imkan kuchh aise

main harf-e-digar hun mujhe pahchan kuchh aise

is bar sabhi chup hain mujhe rokne wale

main sab ko kiye jata hun hairan kuchh aise

ye jaise mere rang-e-rawan ki nigaran hai

har aan mera dhup mein hai dhyan kuchh aise

main jaise koi KHak-ba-sar KHwab-e-safar hun

raste mein paDa hai mera saman kuchh aise

hum fard-e-junun khol ke mushkil mein na paD jaen

is fard mein kar rakkhi hai mizan kuchh aise

aainon ke is karb mein hum apni kahen kya

aaina hai aaine pe hairan kuchh aise