KHwahish-e-qatl-e-am karne lage

ḳhvāhish-e-qatl-e-ām karne lage

apnā jiinā harām karne lage

manzileñ duur hī rahīñ un se

jo musāfir qayām karne lage

vo ye samjhe ki kuchh zarūrat hai

ham unheñ jab salām karne lage

in añdheroñ ke hausle dekho

raushnī zer-e-dām karne lage

ishq chhūTā to hosh meñ aa.e

ham bhī ab kām-dhām karne lage

hosh uḌne lage haiñ ḳhāroñ ke

phuul jab se kalām karne lage

zindagī kī salīb TuuT ga.ī

maut kā intizām karne lage

zindagī ke udaas dariyā meñ

kuchh samundar qayām karne lage

ye hai me.arāj-e-tishnagī 'shākir'

chaḌhte dariyā salām karne lage

KHwahish-e-qatl-e-am karne lage

apna jina haram karne lage

manzilen dur hi rahin un se

jo musafir qayam karne lage

wo ye samjhe ki kuchh zarurat hai

hum unhen jab salam karne lage

in andheron ke hausle dekho

raushni zer-e-dam karne lage

ishq chhuTa to hosh mein aae

hum bhi ab kaam-dham karne lage

hosh uDne lage hain KHaron ke

phul jab se kalam karne lage

zindagi ki salib TuT gai

maut ka intizam karne lage

zindagi ke udas dariya mein

kuchh samundar qayam karne lage

ye hai mearaj-e-tishnagi 'shakir'

chaDhte dariya salam karne lage