ki ehtiyat dil ne bahut par kaha gaya

kī ehtiyāt dil ne bahut par kahā gayā

chhoḌī jo un kī raah to dar dar kahā gayā

saaqī ne mere naam pe sāġhar paTak diyā

tishna-labī ko merā muqaddar kahā gayā

har chashm-e-iltifāt ke husn-e-nigāh ko

ā.īna-e-ḳhulūs kā jauhar kahā gayā

ehsās-e-husn-e-zarf se miltī hai aabrū

paanī kī ek buuñd ko gauhar kahā gayā

ai sub.h kī kiran ye ḳhayālāt-e-zindagī

vo baat kaun thī jise ghar ghar kahā gayā

parvāziyoñ kī sharh nazar tak na kar sakī

lekin ḳhayāl-e-tā.ir-e-be-par kahā gayā

nairañgiyoñ kī baat hai ai āriz-e-jamāl

sho'la dahak uThā to gul-e-tar kahā gayā

'jumbish' sakūñ-navāz-mizājī ko chhoḌiye

ḳhāmoshi-e-hayāt ko aksar kahā gayā

ki ehtiyat dil ne bahut par kaha gaya

chhoDi jo un ki rah to dar dar kaha gaya

saqi ne mere nam pe saghar paTak diya

tishna-labi ko mera muqaddar kaha gaya

har chashm-e-iltifat ke husn-e-nigah ko

aaina-e-KHulus ka jauhar kaha gaya

ehsas-e-husn-e-zarf se milti hai aabru

pani ki ek bund ko gauhar kaha gaya

ai subh ki kiran ye KHayalat-e-zindagi

wo baat kaun thi jise ghar ghar kaha gaya

parwaziyon ki sharh nazar tak na kar saki

lekin KHayal-e-tair-e-be-par kaha gaya

nairangiyon ki baat hai ai aariz-e-jamal

sho'la dahak uTha to gul-e-tar kaha gaya

'jumbish' sakun-nawaz-mizaji ko chhoDiye

KHamoshi-e-hayat ko aksar kaha gaya