kis ne kaha aap se meri musibat hai kya
kis ne kahā aap se merī musībat hai kyā
ab ye nadāmat hai kyuuñ us kī zarūrat hai kyā
ab ye tavajjoh hai kyuuñ mere shab-o-roz par
apne shab-o-roz se aap ko fursat hai kyā
kaun dikhā.e mujhe shaam se kitnī hasīñ
kaun batā.e mujhe vaqt kī qīmat hai kyā
itne samāñ itne shahr ek lagan ek lahr
saat baras chup rahe aur shikāyat hai kyā
is bhare bāzār meñ ham to akele 'ḳhizāñ'
kyuuñ haiñ mire saath log ġham koī daulat hai kyā
kis ne kaha aap se meri musibat hai kya
ab ye nadamat hai kyun us ki zarurat hai kya
ab ye tawajjoh hai kyun mere shab-o-roz par
apne shab-o-roz se aap ko fursat hai kya
kaun dikhae mujhe sham se kitni hasin
kaun batae mujhe waqt ki qimat hai kya
itne saman itne shahr ek lagan ek lahr
sat baras chup rahe aur shikayat hai kya
is bhare bazar mein hum to akele 'KHizan'
kyun hain mere sath log gham koi daulat hai kya
Source:
akeli-bastiyan (Pg. E-71)
- Author: Mahboob Khizan
-
- Edition: 1979
- Publisher: Al-Baqariya Publications, Karachi
- Year of Publication: 1979
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
