aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kis qadar be-kaif duniya-e-dani hai sahabo

Gyan Chand Jain

kis qadar be-kaif duniya-e-dani hai sahabo

Gyan Chand Jain

MORE BYGyan Chand Jain

    kis qadar be-kaif duniyā-e-danī hai sāhabo

    be-kasī hai be-hisī hai be-ruḳhī hai sāhabo

    har kalī ke hoñT par pīḌhī jamī hai sāhabo

    pyaas ke jangal meñ kitnī bekalī hai sāhabo

    dekhnā lalchānā aur mahrūm rahnā aa.e din

    infi.ālī zindagī kyā zindagī hai sāhabo

    chāñd mohsin-kush thā sūraj ko dabā kar khā gayā

    go usī ke dam se us meñ raushnī hai sāhabo

    dūsroñ ko rauñdiye aur aage baḌhte jā.iye

    ba.az logoñ ke liye sab kuchh yahī hai sāhabo

    baañs par mujh ko chaḌhā.eñ laakh arbāb-e-ġharaz

    jāntā huuñ maiñ jo asliyyat mirī hai sāhabo

    chal ke registān meñ dekheñ sarāb andar sarāb

    ḳhud-farebī meñ qayāmat dilkashī hai sāhabo

    shaam ko chiḌiyoñ chūñ-chūñ raat ko meñDak shor

    kitnī ūñchī kā.enātī shā.erī hai sāhabo

    kyoñ musir haiñ aap maiñ sīdhī Dagar par chalūñ

    merī shaḳhsiyyat se ye to dushmanī hai sāhabo

    sair-e-firdaus-e-nazar ko manā farmāte haiñ aap

    shaiḳh sāhib ke taḳhayyul meñ kajī hai sāhabo

    bādaloñ meñ ḳhud-farāmoshī ke dam bhar kar uḌeñ

    maan jaao merī chhoTī ḳhushī hai sāhabo

    jhāñk kar dekhā jo maiñ ne andarūn-e-lā-shu.ūr

    is zamīñ par kis ġhazab zindagī hai sāhabo

    kis liye mab.hūt ho ḳhush-ḳhvābī-e-māzī meñ tum

    haal dildāriyoñ meñ kyā kamī hai sāhabo

    apne apne dekhne ke Dhang par hai munhasir

    zindagī meñ tāzgī tāzgī hai sāhabo

    is meñ soz-e-dil milā do to shafaq ban jā.egī

    ye jo matl.e par zarā raushnī hai sāhabo

    kis qadar be-kaif duniya-e-dani hai sahabo

    be-kasi hai be-hisi hai be-ruKHi hai sahabo

    har kali ke honT par piDhi jami hai sahabo

    pyas ke jangal mein kitni bekali hai sahabo

    dekhna lalchana aur mahrum rahna aae din

    infiali zindagi kya zindagi hai sahabo

    chand mohsin-kush tha suraj ko daba kar kha gaya

    go usi ke dam se us mein raushni hai sahabo

    dusron ko raundiye aur aage baDhte jaiye

    baz logon ke liye sab kuchh yahi hai sahabo

    bans par mujh ko chaDhaen lakh arbab-e-gharaz

    jaanta hun main jo asliyyat meri hai sahabo

    chal ke registan mein dekhen sarab andar sarab

    KHud-farebi mein qayamat dilkashi hai sahabo

    sham ko chiDiyon ki chun-chun raat ko meinDak ka shor

    kitni unchi kaenati shaeri hai sahabo

    kyon musir hain aap main sidhi Dagar hi par chalun

    meri shaKHsiyyat se ye to dushmani hai sahabo

    sair-e-firdaus-e-nazar ko mana farmate hain aap

    shaiKH sahib ke taKHayyul mein kaji hai sahabo

    baadalon mein KHud-faramoshi ke dam bhar kar uDen

    man jao meri chhoTi si KHushi hai sahabo

    jhank kar dekha jo main ne andarun-e-la-shuur

    is zamin par kis ghazab ki zindagi hai sahabo

    kis liye mabhut ho KHush-KHwabi-e-mazi mein tum

    haal ki dildariyon mein kya kami hai sahabo

    apne apne dekhne ke Dhang par hai munhasir

    zindagi mein tazgi hi tazgi hai sahabo

    is mein soz-e-dil mila do to shafaq ban jaegi

    ye jo matle par zara si raushni hai sahabo

    Source:

    Shair (Pg. 7)

      • Publisher: Nazir Noman Siddiqui
      • Year of Publication: 1981
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now