kis qadar zulm Dhaya karte the

kis qadar zulm Dhāyā karte the

ye jo tum bhuul jaayā karte the

kis kā ab haath rakh ke siine par

dil kī dhaḌkan sunāyā karte the

ham jahāñ chaa.e piine jaate the

kyā vahāñ ab bhī aayā karte the

kaun hai ab ki jis ke chehre par

apnī palkoñ kā saaya karte the

kyoñ mire dil meñ rakh nahīñ dete

kis liye ġham uThāyā karte the

phone par giit jo sunāte the

ab vo kis ko sunāyā karte the

āḳhirī meñ is ko likkhā hai

tum mujhe yaad aayā karte the

kis qadar zulm Dhāyā karte the

ye jo tum bhuul jaayā karte the

kis qadar zulm Dhaya karte the

ye jo tum bhul jaya karte the

kis ka ab hath rakh ke sine par

dil ki dhaDkan sunaya karte the

hum jahan chae pine jate the

kya wahan ab bhi aaya karte the

kaun hai ab ki jis ke chehre par

apni palkon ka saya karte the

kyon mere dil mein rakh nahin dete

kis liye gham uThaya karte the

phone par git jo sunate the

ab wo kis ko sunaya karte the

aaKHiri mein is ko likkha hai

tum mujhe yaad aaya karte the

kis qadar zulm Dhaya karte the

ye jo tum bhul jaya karte the