kisi dasht ka lab-e-KHushk hun jo na pae muzhda-e-ab tak

kisī dasht kā lab-e-ḳhushk huuñ jo na paa.e muzhda-e-āb tak

kabhī aa.e bhī mirī samt ko to baras na paa.e sahāb tak

maiñ talab ke dasht meñ phir chukā to ye raaz mujh pe ayaañ huā

mirī tishnagī ke ye pher haiñ ki jo aab se haiñ sarāb tak

tujhe jaan kar ye patā chalā tū maqām-e-dīd meñ aur thā

ka.ī marhale haiñ fareb ke mirī aañkh se mire ḳhvāb tak

maiñ vo ma.anī-e-ġham-e-ishq huuñ jise harf harf likhā gayā

kabhī āñsuoñ kī bayāz meñ kabhī dil se le ke kitāb tak

kisi dasht ka lab-e-KHushk hun jo na pae muzhda-e-ab tak

kabhi aae bhi meri samt ko to baras na pae sahab tak

main talab ke dasht mein phir chuka to ye raaz mujh pe ayan hua

meri tishnagi ke ye pher hain ki jo aab se hain sarab tak

tujhe jaan kar ye pata chala tu maqam-e-did mein aur tha

kai marhale hain fareb ke meri aankh se mere KHwab tak

main wo mani-e-gham-e-ishq hun jise harf harf likha gaya

kabhi aansuon ki bayaz mein kabhi dil se le ke kitab tak