kisi ki aankhon ka zikr chheDen ajib kuchh pur-waqar aankhen

kisī kī āñkhoñ kā zikr chheḌeñ ajiib kuchh pur-vaqār āñkheñ

magar ḳhudā vāsta na Daale baḌī hī be-e'tibār āñkheñ

numā.ishī rasm-e-parda-dārī rahegī jab tak to ye bhī hogā

naqāb sarkegī jab zarā bhī uTheñgī be-iḳhtiyār āñkheñ

jahāñ jahāñ rabt-e-chashm-o-dil hai vahāñ vahāñ baat chal rahī hai

nahīñ to bazm-e-ḳhamoshāñ meñ hazār dil haiñ hazār āñkheñ

naqāb uTThī to apnā aalam na tark-e-jalva na tāb-e-jalva

nazar uThī baar baar lekin jhapak ga.iiñ baar baar āñkheñ

nazar milā kar nazar bachā kar nazar badal kar nazar churā kar

namūna ban ban ke kah rahī haiñ haqīqat-e-rozgār āñkheñ

kisī se iz.hār-e-mudda.ā par mirā vo ḳhauf-o-hirās 'mahshar'

kisī kī vo tez tez sāñseñ kisī kī vo be-qarār āñkheñ

kisi ki aankhon ka zikr chheDen ajib kuchh pur-waqar aankhen

magar KHuda wasta na Dale baDi hi be-e'tibar aankhen

numaishi rasm-e-parda-dari rahegi jab tak to ye bhi hoga

naqab sarkegi jab zara bhi uThengi be-iKHtiyar aankhen

jahan jahan rabt-e-chashm-o-dil hai wahan wahan baat chal rahi hai

nahin to bazm-e-KHamoshan mein hazar dil hain hazar aankhen

naqab uTThi to apna aalam na tark-e-jalwa na tab-e-jalwa

nazar uThi bar bar lekin jhapak gain bar bar aankhen

nazar mila kar nazar bacha kar nazar badal kar nazar chura kar

namuna ban ban ke kah rahi hain haqiqat-e-rozgar aankhen

kisi se izhaar-e-muddaa par mera wo KHauf-o-hiras 'mahshar'

kisi ki wo tez tez sansen kisi ki wo be-qarar aankhen