kisi ko jab nigahon ke muqabil dekh leta hun
kisī ko jab nigāhoñ ke muqābil dekh letā huuñ
to pahle sar jhukā ke hālat-e-dil dekh letā huuñ
ma.āl-e-justuju-e-zauq-e-kāmil dekh letā huuñ
uThāte hī qadam āsār-e-manzil dekh letā huuñ
maiñ tujh se aur lutf-e-ḳhās kā tālib ma.āz-allāh
sitam-gar is bahāne se tirā dil dekh letā huuñ
jo maujeñ ḳhaas kar chashm-o-charāġh-e-dām-e-tūfāñ haiñ
maiñ un maujoñ ko ham-āġhosh-e-sāhil dekh letā huuñ
'shakīl' ehsās hai mujh ko har ik mauzūñ tabī.at kā
ġhazal paḌhne se pahle rañg-e-mahfil dekh letā huuñ
kisi ko jab nigahon ke muqabil dekh leta hun
to pahle sar jhuka ke haalat-e-dil dekh leta hun
maal-e-justuju-e-zauq-e-kaamil dekh leta hun
uThate hi qadam aasar-e-manzil dekh leta hun
main tujh se aur lutf-e-KHas ka talib maaz-allah
sitam-gar is bahane se tera dil dekh leta hun
jo maujen KHas kar chashm-o-charagh-e-dam-e-tufan hain
main un maujon ko ham-aghosh-e-sahil dekh leta hun
'shakil' ehsas hai mujh ko har ek mauzun tabiat ka
ghazal paDhne se pahle rang-e-mahfil dekh leta hun
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
