kisi miskin ka ghar khulta hai
kisī miskīn kā ghar khultā hai
yā koī zaḳhm-e-nazar khultā hai
dekhnā hai ki tilism-e-hastī
kis se khultā hai agar khultā hai
daav par dair-o-haram donoñ haiñ
dekhiye kaun sā ghar khultā hai
phuul dekhā hai ki dekhā hai chaman
husn se husn-e-nazar khultā hai
mai-kashoñ kā ye tulūa aur ġhurūb
mai-kada shām-o-sahar khultā hai
chhoTī paḌtī hai anā kī chādar
paañv Dhaktā huuñ to sar khultā hai
band kar letā huuñ āñkheñ 'tābish'
bāb-e-nazzāra magar khultā hai
kisi miskin ka ghar khulta hai
ya koi zaKHm-e-nazar khulta hai
dekhna hai ki tilism-e-hasti
kis se khulta hai agar khulta hai
daw par dair-o-haram donon hain
dekhiye kaun sa ghar khulta hai
phul dekha hai ki dekha hai chaman
husn se husn-e-nazar khulta hai
mai-kashon ka ye tulua aur ghurub
mai-kada sham-o-sahar khulta hai
chhoTi paDti hai ana ki chadar
panw Dhakta hun to sar khulta hai
band kar leta hun aankhen 'tabish'
bab-e-nazzara magar khulta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
