kisi nazar ne mujhe jam par lagaya hua hai
Interesting Fact
Vol 282, July 2004
kisī nazar ne mujhe jaam par lagāyā huā hai
so kartā rahtā huuñ jis kaam par lagāyā huā hai
ġhalat paḌe na kahīñ pahlā hī qadam ye hamārā
ki ham ne aañkh ko anjām par lagāyā huā hai
tamām shahr musharif-ba-kufr ho ke rahegā
ye jis qimāsh ke islām par lagāyā huā hai
lagā rakhe haiñ hazāroñ hī apne kaam par us ne
hameñ bhī koshish-e-nākām par lagāyā huā hai
pilātā rahtā huuñ din-rāt apnī aañkh se paanī
shajar ye dil meñ tire naam par lagāyā huā hai
vo aur hoñge jo ārām se guzār rahe haiñ
hameñ to us ne kahīñ laam par lagāyā huā hai
kisi nazar ne mujhe jam par lagaya hua hai
so karta rahta hun jis kaam par lagaya hua hai
ghalat paDe na kahin pahla hi qadam ye hamara
ki hum ne aankh ko anjam par lagaya hua hai
tamam shahr musharif-ba-kufr ho ke rahega
ye jis qimash ke islam par lagaya hua hai
laga rakhe hain hazaron hi apne kaam par us ne
hamein bhi koshish-e-nakaam par lagaya hua hai
pilata rahta hun din-raat apni aankh se pani
shajar ye dil mein tere nam par lagaya hua hai
wo aur honge jo aaram se guzar rahe hain
hamein to us ne kahin lam par lagaya hua hai
Source:
Shabkhoon (Urdu Monthly) (Pg. 645)
- Author: Shamsur Rahman Faruqi
-
- Edition: June December 2005áIssue No. 293 To 299âPart II
- Publisher: Shabkhoon Po. Box No.13, 313 rani Mandi Allahabad
- Year of Publication: June December 2005áIssue No. 293 To 299âPart II
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
