kisi tarah to use mar dun jo bahar hai

kisī tarah to use maar duuñ jo bāhar hai

vo shaḳhs kaise maregā jo mere andar hai

sikhā diyā mujhe ādāb-e-guftugū tū ne

mire liye to tirā husn hī grammar hai

ab us ke sāmne sach bolne na lag jaanā

vo mere baare meñ pūchhe to kahnā behtar hai

lo ab to baiThe-biThā.e hī diid hotī hai

vabā kā daur hai so āj-kal vo ghar par hai

ab aise meñ mire dil se duā hī niklegī

vo surḳh joḌe meñ jo aaj ban-sañvar kar hai

phir ashk ho ga.e be-mol jab ye us ne kahā

nikāl duuñ maiñ tirī aañkh meñ jo kankar hai

har ek raah se guzrā huuñ be-niyāzāna

'atā' ġharaz kā pujārī nahīñ qalandar hai

kisi tarah to use mar dun jo bahar hai

wo shaKHs kaise marega jo mere andar hai

sikha diya mujhe aadab-e-guftugu tu ne

mere liye to tera husn hi grammar hai

ab us ke samne sach bolne na lag jaana

wo mere bare mein puchhe to kahna behtar hai

lo ab to baiThe-biThae hi did hoti hai

waba ka daur hai so aaj-kal wo ghar par hai

ab aise mein mere dil se dua hi niklegi

wo surKH joDe mein jo aaj ban-sanwar kar hai

phir ashk ho gae be-mol jab ye us ne kaha

nikal dun main teri aankh mein jo kankar hai

har ek rah se guzra hun be-niyazana

'ata' gharaz ka pujari nahin qalandar hai