kisi tu aaina-gar ki dukan se aaya hai
kisī tū ā.ina-gar kī dukāñ se aayā hai
tumhāre haath ye chehra kahāñ se aayā hai
isī zamīñ se yā phir āsmāñ se aayā hai
ye hijratoñ kā tasavvur kahāñ se aayā hai
mirī nigāh meñ bastī ke sab darīche haiñ
maiñ jāntā huuñ ye patthar jahāñ se aayā hai
ye shaḳhs kitnā parastār hai sadāqat kā
hamārī saf meñ saf-e-dushmanāñ se aayā hai
bahut qadīm hai taḳhlīq kā hunar 'be-dil'
hamāre paas bhī ye raftagāñ se aayā hai
kisi tu aaina-gar ki dukan se aaya hai
tumhaare hath ye chehra kahan se aaya hai
isi zamin se ya phir aasman se aaya hai
ye hijraton ka tasawwur kahan se aaya hai
meri nigah mein basti ke sab dariche hain
main jaanta hun ye patthar jahan se aaya hai
ye shaKHs kitna parastar hai sadaqat ka
hamari saf mein saf-e-dushmanan se aaya hai
bahut qadim hai taKHliq ka hunar 'be-dil'
hamare pas bhi ye raftagan se aaya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
