kitne hi log dil talak aa kar guzar gae

kitne hī log dil talak aa kar guzar ga.e

ham apnī laash aap uThā kar guzar ga.e

vo yūrish-e-alam thī ki terī galī se ham

tujh ko bhī apne jī se bhulā kar guzar ga.e

ahl-e-ḳhirad fasānoñ ke unvāñ bane rahe

ahl-e-junūñ fasāne sunā kar guzar ga.e

is ehtiyāt-e-dard kī vahshat ki ham kabhī

ḳhud ko tirī nazar se chhupā kar guzar ga.e

tū hī milā na ham hī mile apne aap ko

saa.e se darmiyān meñ aa kar guzar ga.e

ab to batāo ham ko kahāñ jāoge 'matīn'

vo kaun the jo aag lagā kar guzar ga.e

kitne hi log dil talak aa kar guzar gae

hum apni lash aap uTha kar guzar gae

wo yurish-e-alam thi ki teri gali se hum

tujh ko bhi apne ji se bhula kar guzar gae

ahl-e-KHirad fasanon ke unwan bane rahe

ahl-e-junun fasane suna kar guzar gae

is ehtiyat-e-dard ki wahshat ki hum kabhi

KHud ko teri nazar se chhupa kar guzar gae

tu hi mila na hum hi mile apne aap ko

sae se darmiyan mein aa kar guzar gae

ab to batao hum ko kahan jaoge 'matin'

wo kaun the jo aag laga kar guzar gae