koi aisi baat hai jis ke Dar se bahar rahte hain
koī aisī baat hai jis ke Dar se bāhar rahte haiñ
ham jo itnī raat ga.e tak ghar se bāhar rahte haiñ
patthar jaisī āñkhoñ meñ sūraj ke ḳhvāb lagāte haiñ
aur phir ham is ḳhvāb ke har manzar se bāhar rahte haiñ
jab tak rahte haiñ āñgan meñ hañgāme tanhā.ī ke
ḳhāmoshī ke saa.e bām-o-dar se bāhar rahte haiñ
jab se be-chehroñ kī bastī meñ chehre taqsīm hue
us din se ham ā.īnoñ ke ghar se bāhar rahte haiñ
jis kī ret pe naam likhe haiñ 'az.har' Dūbne vāloñ ke
vo sāhil maujoñ ke shor-o-shar se bāhar rahte haiñ
koi aisi baat hai jis ke Dar se bahar rahte hain
hum jo itni raat gae tak ghar se bahar rahte hain
patthar jaisi aankhon mein suraj ke KHwab lagate hain
aur phir hum is KHwab ke har manzar se bahar rahte hain
jab tak rahte hain aangan mein hangame tanhai ke
KHamoshi ke sae baam-o-dar se bahar rahte hain
jab se be-chehron ki basti mein chehre taqsim hue
us din se hum aainon ke ghar se bahar rahte hain
jis ki ret pe nam likhe hain 'azhar' Dubne walon ke
wo sahil maujon ke shor-o-shar se bahar rahte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
