koi bhi dar se zinda nahin utarta hai
koī bhī daar se zinda nahīñ utartā hai
magar junūn hamārā nahīñ utartā hai
tabāh kar diyā ahbāb ko siyāsat ne
magar makān se jhanDā nahīñ utartā hai
maiñ apne dil ke ujaḌne kī baat kis se kahūñ
koī mizāj pe puurā nahīñ utartā hai
kabhī qamīz ke aadhe button lagāte the
aur ab badan se labāda nahīñ utartā hai
musālahat ke bahut rāste haiñ duniyā meñ
magar salīb se iisā nahīñ utartā hai
juāriyoñ kā muqaddar ḳharāb hai shāyad
jo chāhiye vahī pattā nahīñ utartā hai
koi bhi dar se zinda nahin utarta hai
magar junun hamara nahin utarta hai
tabah kar diya ahbab ko siyasat ne
magar makan se jhanDa nahin utarta hai
main apne dil ke ujaDne ki baat kis se kahun
koi mizaj pe pura nahin utarta hai
kabhi qamiz ke aadhe button lagate the
aur ab badan se labaada nahin utarta hai
musalahat ke bahut raste hain duniya mein
magar salib se isa nahin utarta hai
juariyon ka muqaddar KHarab hai shayad
jo chahiye wahi patta nahin utarta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
