aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

koi hasin hai muKHtar-e-kar-KHana-e-ishq

Ahmad Husain Mail

koi hasin hai muKHtar-e-kar-KHana-e-ishq

Ahmad Husain Mail

MORE BYAhmad Husain Mail

    koī hasīn hai muḳhtār-e-kār-ḳhāna-e-ishq

    ki lā-makāñ chaukhaT hai āstāna-e-ishq

    nigāheñ DhūñDh rahī haiñ dil-e-yagāna-e-ishq

    ishāre pūchh rahe haiñ kahāñ hai ḳhāna-e-ishq

    phireñge hashr meñ gard-e-dil-e-yagāna-e-ishq

    kareñge pesh-e-ḳhudā ham tavāf-e-ḳhāna-e-ishq

    na.ī sadā ho na.e hoñTh hoñ nayā lahja

    na.ī zabāñ se kahūñ gar kahūñ fasāna-e-ishq

    jo maulvī haiñ vo likkheñge kufr ke fatve

    sunā.ūñ sūrat-e-mansūr agar tarāna-e-ishq

    agar lage to lage choT mere naale

    agar paḌe to paḌe dil pe tāziyāna-e-ishq

    jo Daal deñ use patthar pe bhī phale-phūle

    daraḳht-e-tūr bane sabz ho ke dāna-e-ishq

    tumhīñ kaho jo luTā deñ to kaun ḳhālī ho

    ḳhazāna husn afzūñ hai ḳhazāna-e-ishq

    vo raat aa.e ki sar terā le ke baazū par

    tujhe sulā.ūñ bayāñ kar ke maiñ fasāna-e-ishq

    vo dar tak aate nahīñ dar se ham nahīñ uThte

    udhar bahāna-e-husn aur idhar bahāna-e-ishq

    sikhā.ī kis ne ye raftār mere naale ko

    kamar tarah lachaktā hai tāziyāna-e-ishq

    kisī ko pyaar karegā shabāb meñ bhī

    tire bhī ghar meñ jalegā charāġh-e-ḳhāna-e-ishq

    jo ḳhush-navīs mile koī deñge dil apnā

    ham is kitāb meñ likhvā.eñge fasāna-e-ishq

    ga.e haiñ vo mirī mahfil meñ bhuul kar rūmāl

    ye jā-namāz bichhā kar paḌhūñ dogāna-e-ishq

    kisī ke husn ne kāfir banā diyā 'mā.il'

    lagā ke qashqa-e-durd-e-sharāb-ḳhāna-e-ishq

    koi hasin hai muKHtar-e-kar-KHana-e-ishq

    ki la-makan hi ki chaukhaT hai aastana-e-ishq

    nigahen DhunDh rahi hain dil-e-yagana-e-ishq

    ishaare puchh rahe hain kahan hai KHana-e-ishq

    phirenge hashr mein gard-e-dil-e-yagana-e-ishq

    karenge pesh-e-KHuda hum tawaf-e-KHana-e-ishq

    nai sada ho nae honTh hon naya lahja

    nai zaban se kahun gar kahun fasana-e-ishq

    jo maulwi hain wo likkhenge kufr ke fatwe

    sunaun surat-e-mansur agar tarana-e-ishq

    agar lage to lage choT mere nale ki

    agar paDe to paDe dil pe taziyana-e-ishq

    jo Dal den use patthar pe bhi phale-phule

    daraKHt-e-tur bane sabz ho ke dana-e-ishq

    tumhin kaho jo luTa den to kaun KHali ho

    KHazana husn ka afzun hai ya KHazana-e-ishq

    wo raat aae ki sar tera le ke bazu par

    tujhe sulaun bayan kar ke main fasana-e-ishq

    wo dar tak aate nahin dar se hum nahin uThte

    udhar bahana-e-husn aur idhar bahana-e-ishq

    sikhai kis ne ye raftar mere nale ko

    kamar ki tarah lachakta hai taziyana-e-ishq

    kisi ko pyar karega shabab mein tu bhi

    tere bhi ghar mein jalega charagh-e-KHana-e-ishq

    jo KHush-nawis mile koi denge dil apna

    hum is kitab mein likhwaenge fasana-e-ishq

    gae hain wo meri mahfil mein bhul kar rumal

    ye ja-namaz bichha kar paDhun dogana-e-ishq

    kisi ke husn ne kafir bana diya 'mail'

    laga ke qashqa-e-durd-e-sharab-KHana-e-ishq

    Source:

    Deewan-e-Dr.Maiel(Tohfa-e-Dakan) (Pg. 115)

    • Author: Ahmad Husain Mail
      • Edition: 1897
      • Publisher: Matba Mufeed-e-Aam, Agra
      • Year of Publication: 1897
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now