koī hasrat koī armān nahīñ rakhte haiñ
ham to muddat se ye sāmān nahīñ rakhte haiñ
zaḳhm rakhte haiñ na rakhte haiñ nishāñ ab koī
chaak ho aisā garebān nahīñ rakhte haiñ
be-hisī kā ye hamārī zarā aalam dekho
jism rakhte haiñ magar jaan nahīñ rakhte haiñ
ham se aġhyār kī pahchān kahāñ sañbhlegī
jab ham apnoñ kī hī pahchān nahīñ rakhte haiñ
ham samundar ko to mahkūm nahīñ rakh sakte
haañ magar kashtī meñ tūfān nahīñ rakhte haiñ
jab se mushkil hue haiñ tab se sukūñ hai so ab
ḳhud ko dānista hī āsān nahīñ rakhte haiñ
koi hasrat koi arman nahin rakhte hain
hum to muddat se ye saman nahin rakhte hain
zaKHm rakhte hain na rakhte hain nishan ab koi
chaak ho aisa gareban nahin rakhte hain
be-hisi ka ye hamari zara aalam dekho
jism rakhte hain magar jaan nahin rakhte hain
hum se aghyar ki pahchan kahan sanbhlegi
jab hum apnon ki hi pahchan nahin rakhte hain
hum samundar ko to mahkum nahin rakh sakte
han magar kashti mein tufan nahin rakhte hain
jab se mushkil hue hain tab se sukun hai so ab
KHud ko danista hi aasan nahin rakhte hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.