aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

koi in tang-dahanon se mohabbat na kare

Shaikh Ibrahim Zauq

koi in tang-dahanon se mohabbat na kare

Shaikh Ibrahim Zauq

MORE BYShaikh Ibrahim Zauq

    koī in tañg-dahānoñ se mohabbat na kare

    aur jo ye tañg kareñ muñh se shikāyat na kare

    ishq ke daaġh ko dil mohr-e-nabuvvat samjhā

    Dar hai kāfir kahīñ dāvā-e-nabūvat na kare

    hai jarāhat mirī sauda-e-almās ilaaj

    fā.eda us ko kabhī sañg-e-jarāhat na kare

    har qadam par mire ashkoñ se ravāñ hai dariyā

    kyā kare jaada agar tark-e-rifāqat na kare

    aaj tak ḳhuuñ se mire tar hai zabān-e-ḳhanjar

    kyā kare jab ki talab koī shahādat na kare

    hai ye insāñ baḌe ustād shāgird-e-rashīd

    kar sake kaun agar ye bhī ḳhilāfat na kare

    bin jale sham.a ke parvāna nahīñ jal saktā

    kyā baḌhe ishq agar husn sabqat na kare

    phir chalā maqtal-e-ushshāq jānib qātil

    sar pe barpā kahīñ kushtoñ ke qayāmat na kare

    koi in tang-dahanon se mohabbat na kare

    aur jo ye tang karen munh se shikayat na kare

    ishq ke dagh ko dil mohr-e-nabuwwat samjha

    Dar hai kafir kahin dawa-e-nabuwat na kare

    hai jarahat ka meri sauda-e-almas ilaj

    faeda us ko kabhi sang-e-jarahat na kare

    har qadam par mere ashkon se rawan hai dariya

    kya kare jada agar tark-e-rifaqat na kare

    aaj tak KHun se mere tar hai zaban-e-KHanjar

    kya kare jab ki talab koi shahadat na kare

    hai ye insan baDe ustad ka shagird-e-rashid

    kar sake kaun agar ye bhi KHilafat na kare

    bin jale shama ke parwana nahin jal sakta

    kya baDhe ishq agar husn hi sabqat na kare

    phir chala maqtal-e-ushshaq ki jaanib qatil

    sar pe barpa kahin kushton ke qayamat na kare

    RECITATIONS

    Nomaan Shauque

    Nomaan Shauque,

    Nomaan Shauque

    koi in tang-dahanon se mohabbat na kare Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now