koi na dekha ki wapas aaya KHuda ke ghar ek bar ja kar

koī na dekhā ki vāpas aayā ḳhudā ke ghar ek baar jā kar

vo dair-o-ka.aba meñ hai muqayyad ḳhudā ḳhudā kar ḳhudā ḳhudā kar

samajh na tū us ko be-navā.ī ye do-jahāñ kī hai bādshā.ī

ki daulat-e-ishq haath aa.ī matā-e-duniyā-o-dīñ luTā kar

jahāñ kī kā.enāt kyā hai umīd-e-uqbā meñ kyā dharā hai

barī haiñ jo us se vo na dekheñ idhar zarā aañkh bhī uThā kar

karam tirā tama.a par hai mabnī hai terī ḳhairāt is nafas par

ki suud meñ ashrafī milegī jo degā ik daam haath uThā kar

ye dil-lagī kyā hai bād-o-bārāñ hañsī hai ye yā sitam-zarīfī

guloñ ko miTTī meñ kyuuñ milāyā khilā khilā kar hañsā hañsā kar

na rah sake pesh-e-mehr-e-tābāñ gul aur shabnam meñ rabt-e-rasmī

maiñ kaT gayā kal jahāñ se 'kaifī' dil ek dildār se lagā kar

koi na dekha ki wapas aaya KHuda ke ghar ek bar ja kar

wo dair-o-kaba mein hai muqayyad KHuda KHuda kar KHuda KHuda kar

samajh na tu us ko be-nawai ye do-jahan ki hai baadshai

ki daulat-e-ishq hath aai mata-e-duniya-o-din luTa kar

jahan ki kaenat kya hai umid-e-uqba mein kya dhara hai

bari hain jo us se wo na dekhen idhar zara aankh bhi uTha kar

karam tera tama par hai mabni hai teri KHairaat is nafas par

ki sud mein ashrafi milegi jo dega ek dam hath uTha kar

ye dil-lagi kya hai baad-o-baran hansi hai ye ya sitam-zarifi

gulon ko miTTi mein kyun milaya khila khila kar hansa hansa kar

na rah sake pesh-e-mehr-e-taban gul aur shabnam mein rabt-e-rasmi

main kaT gaya kal jahan se 'kaifi' dil ek dildar se laga kar