کوئی تصور میں جلوہ گر ہے بہار دل میں سما رہی ہے
کوئی تصور میں جلوہ گر ہے بہار دل میں سما رہی ہے
نفس نفس گنگنا رہا ہے نظر نظر مسکرا رہی ہے
جھکی جھکی سی نگاہ قاتل ہزار غمزے دکھا رہی ہے
نہ جانے جاگا ہے بخت کس کا یہ کس کو بسمل بنا رہی ہے
نہیں ہے اب تاب ضبط باقی کہیں میں توبہ نہ توڑ بیٹھوں
ترا اشارہ نہیں یہ ساقی تو کیوں گھٹا مسکرا رہی ہے
نہ پوچھ حالت مریض غم کی گھڑی میں کچھ ہے گھڑی میں کچھ ہے
طبیب تشویش میں پڑا ہے قضا کھڑی مسکرا رہی ہے
مری شب غم کا پوچھنا کیا عجیب پیش نظر ہے منظر
یہ زندگی جھلملا رہی ہے کہ نیند تاروں کو آ رہی ہے
یہ ہر ادا پائمال ہو کر بھی دل کو ہے ذوق پائمالی
قدم قدم پر تری جوانی عجیب فتنے جگا رہی ہے
ہوا کچھ ایسی چلی ہے فیضیؔ تمیز اپنوں کی اب ہے مشکل
مری تمنا بھی کچھ خفا ہے وفا بھی دامن چھڑا رہی ہے
مأخذ:
Mizrab (Pg. 65)
- مصنف: فیضی نظام پوری
-
- اشاعت: 1966
- ناشر: امین محمود میاں کنگے
- سن اشاعت: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
