kuchh hijr ke mausam ne sataya nahin itna

kuchh hijr ke mausam ne satāyā nahīñ itnā

kuchh ham ne tirā sog manāyā nahīñ itnā

kuchh terī judā.ī kī aziyyat bhī kaḌī thī

kuchh dil ne bhī ġham terā manāyā nahīñ itnā

kyuuñ sab kī tarah bhiig ga.ī haiñ tirī palkeñ

ham ne to tujhe haal sunāyā nahīñ itnā

kuchh roz se dil ne tirī rāheñ nahīñ dekhīñ

kyā baat hai tū yaad bhī aayā nahīñ itnā

kyā jāniye is be-sar-o-sāmāni-e-dil ne

pahle to kabhī ham ko rulāyā nahīñ itnā

kuchh hijr ke mausam ne sataya nahin itna

kuchh hum ne tera sog manaya nahin itna

kuchh teri judai ki aziyyat bhi kaDi thi

kuchh dil ne bhi gham tera manaya nahin itna

kyun sab ki tarah bhig gai hain teri palken

hum ne to tujhe haal sunaya nahin itna

kuchh roz se dil ne teri rahen nahin dekhin

kya baat hai tu yaad bhi aaya nahin itna

kya jaaniye is be-sar-o-samani-e-dil ne

pahle to kabhi hum ko rulaya nahin itna