کچھ لہو تو فروزاں ہمارا بھی ہے
کچھ لہو تو فروزاں ہمارا بھی ہے
شہر پر اتنا احساں ہمارا بھی ہے
دیکھنا بخیۂ جامۂ وقت میں
ایک تار گریباں ہمارا بھی ہے
حق بیانوں کی خاطر ہے وسعت بڑی
کچھ یہی خواب زنداں ہمارا بھی ہے
وہ جو فرد وفا میں قلم زد ہوئے
نام ان میں نمایاں ہمارا بھی ہے
ہر کڑے وقت سے سہل گزرے مگر
ان دنوں دل پریشاں ہمارا بھی ہے
کچھ تو ڈھب ہو کہ اب اپنی نسلیں کہیں
یہ دیار بزرگاں ہمارا بھی ہے
جب سے جاگا ہے غزلوں میں شہر نوا
رتبہ داں ہر سخنداں ہمارا بھی ہے
مأخذ:
Rooh-e-Ghazal,Pachas Sala Intekhab (Pg. 293)
-
- اشاعت: 1993
- ناشر: انجمن روح ادب، الہ آباد
- سن اشاعت: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
