kuchh maiñ ne kahī hai na abhī us ne sunī hai
chitvan hai ki talvār liye sar pe khaḌī hai
aane ko hai koī jo lalak phir se huī hai
Duube hue sūraj kī kiran phuuT rahī hai
hai pighlī huī aag ki jalte hue aañsū
luukā vahīñ uTThā hai jahāñ buuñd paḌī hai
jab sukh nahīñ jiine meñ to ik rog hai jiinā
saañs aa.ī hai jab choT kaleje meñ lagī hai
kal kyā kaheñ dekhīñ vo badaltī huī chitvan
sau āsare TuuTe haiñ to ik aas bañdhī hai
maiñ kuchh na kahūñ aur vo jo chāhe kahe jaa.eñ
ab rokī huī saañs galā ghūñT rahī hai
kahne ko to aatī hai unheñ haañ bhī nahīñ bhī
ho jis pe bharosa na vahī hai na yahī hai
ubhre hue chhāle haiñ hai rokā huā aañsū
bas bujh chukī ye aag ki paanī se lagī hai
kuchh main ne kahi hai na abhi us ne suni hai
chitwan hai ki talwar liye sar pe khaDi hai
aane ko hai koi jo lalak phir se hui hai
Dube hue suraj ki kiran phuT rahi hai
hai pighli hui aag ki jalte hue aansu
luka wahin uTTha hai jahan bund paDi hai
jab sukh nahin jine mein to ek rog hai jina
sans aai hai jab choT kaleje mein lagi hai
kal kya kahen dekhin wo badalti hui chitwan
sau aasare TuTe hain to ek aas bandhi hai
main kuchh na kahun aur wo jo chahe kahe jaen
ab roki hui sans gala ghunT rahi hai
kahne ko to aati hai unhen han bhi nahin bhi
ho jis pe bharosa na wahi hai na yahi hai
ubhre hue chhaale hain hai roka hua aansu
bas bujh chuki ye aag ki pani se lagi hai
Source:
Nishaan-e-Aarzu (Pg. ebook-209 page-199)
-
Author:
Anwar Husain Arzoo
-
- Year of Publication: 1968
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.