kuchh shikwe-gile hote kuchh taish siwa hota
kuchh shikve-gile hote kuchh taish sivā hotā
qismat meñ na milnā thā milte bhī to kyā hotā
jaate to qalaq hotā aate to ḳhafā hote
ham jaate to kyā hotā vo aate to kyā hotā
shikvoñ kā gilā kyā hai insāf to kar zālim
kyā kuchh na kiyā hotā gar tū merī jā hotā
gar sulh Thahar jaatī sau fitne uThe hote
achchhā hai na milnā hī milte to burā hotā
socho to 'zahīr' āḳhir vo jaur to kartā hai
maiñ us se gilā kar ke mahrūm-e-jafā hotā
kuchh shikwe-gile hote kuchh taish siwa hota
qismat mein na milna tha milte bhi to kya hota
jate to qalaq hota aate to KHafa hote
hum jate to kya hota wo aate to kya hota
shikwon ka gila kya hai insaf to kar zalim
kya kuchh na kiya hota gar tu meri ja hota
gar sulh Thahar jati sau fitne uThe hote
achchha hai na milna hi milte to bura hota
socho to 'zahir' aaKHir wo jaur to karta hai
main us se gila kar ke mahrum-e-jafa hota
Source:
Intekhab-e-Sukhan(Jild-2) (Pg. 195)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
