kunj-e-dil mein hai jo malal uchhaal

kunj-e-dil meñ hai jo malāl uchhāl

raushnī ke kañval uchhāl uchhāl

Dhaal tū apne mahr-o-māh-o-nujūm

din uchhāl apne māh-o-sāl uchhāl

be-sipar hai ye merī tanhā.ī

ai mirī jaan apnī Dhaal uchhāl

apnī āsūdgī-e-jāñ ke liye

mere hisse meñ kuchh vabāl uchhāl

ho koī sher sher-e-shor-añgez

fikr koī koī ḳhayāl uchhāl

jo tujhe ḳhud se munfarid kar de

kuchh to aisī na.ī misāl uchhāl

aa.egā phir koī javāb us kā

to fazā meñ koī savāl uchhāl

ḳhauf aane lagā 'kamāl' se ab

mere hisse meñ kuchh zavāl uchhāl

kunj-e-dil mein hai jo malal uchhaal

raushni ke kanwal uchhaal uchhaal

Dhaal tu apne mahr-o-mah-o-nujum

din uchhaal apne mah-o-sal uchhaal

be-sipar hai ye meri tanhai

ai meri jaan apni Dhaal uchhaal

apni aasudgi-e-jaan ke liye

mere hisse mein kuchh wabaal uchhaal

ho koi sher sher-e-shor-angez

fikr koi koi KHayal uchhaal

jo tujhe KHud se munfarid kar de

kuchh to aisi nai misal uchhaal

aaega phir koi jawab us ka

to faza mein koi sawal uchhaal

KHauf aane laga 'kamal' se ab

mere hisse mein kuchh zawal uchhaal