کیا چھپاتے کسی سے حال اپنا
کیا چھپاتے کسی سے حال اپنا
جی ہی جب ہو گیا نڈھال اپنا
ہم ہیں اس کے خیال کی تصویر
جس کی تصویر ہے خیال اپنا
وہ بھی اب غم کو غم سمجھتے ہیں
دور پہنچا مگر ملال اپنا
تو نے رکھ لی گناہ گار کی شرم
کام آیا نہ انفعال اپنا
دیکھ دل کی زمیں لرزتی ہے
یاد جاناں قدم سنبھال اپنا
باخبر ہیں وہ سب کی حالت سے
لاؤ ہم پوچھ لیں نہ حال اپنا
موت بھی تو نہ مل سکی فانیؔ
کس سے پورا ہوا سوال اپنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
